کوئٹہ،21 ستمبر (اے پی پی):نگراں صوبائی وزیر اطلاعات جان محمد اچکزئی نے کہا ہے کہ وزیر اعلی بلوچستان میر علی مردان کی وژن کے مطابق بلوچستان یوتھ پروگرام اسکیم لانچ کر نے جارہے ہیں،بلوچستان ڈیجیٹل یوتھ پروگرم کے قیام کا مقصد صوبے کے طلبااور طالبات کو ڈیجیٹل ٹریننگ دینا ہے تاکہ دور جدید میں وہ اپنے پاوں پر کھڑے ہو سکے۔
ان خیالات کااظہار انہوں نے ڈی جی پی آر کے دفتر میں پریس کانفرنس سے خطاب کر تے ہوئے کیا۔صوبائی وزیر اطلاعات نے کہا کہ ڈیجیٹل یوتھ پروگرام کے تحت ہر ضلع میں ایک ڈیجیٹل لیب بنانے جارہے ہیں ہر لیب پر ایک کروڑ 20 لاکھ کا خرچہ آئیگا،پہلے مرحلے میں کو ئٹہ میں ڈیجیٹل لیب کا قیام عمل میں لایا جائے گا، اس سلسلے میں چینی سفارتخانہ ڈیجیٹل لیب میں ہمارے ساتھ تعاون کرینگے جبکہ اطلاعات اور آئی ٹی سیکٹر میں 500 اسکالر سے زائد اسکالرشپس دے رہے ہیں۔ انہوں نے کہا کہ وزیر اعلی بلوچستان کا خواب ہے کہ آئی ٹی سیکٹر میں بلوچستان کے نواجوان آگے آئیں اور نہ صرف وہ اس پرگرام کا حصہ بنے بلکہ ان کے لئے کمائی کا زریعہ بھی بنے۔
نگراں صوبائی وزیر اطلاعات جان محمد اچکزئی نے کہا کہ بلوچستان میں آئی ٹی سیکٹر پر دیگر ممالک تعاون کے لئے بات چیت ہو رہی ہیں ہماری کوشش ہے کہ ہر یونیورسٹی سے 200 طلبہئکو اسکالرشپ فراہم کیا جا ئے اور جس ضلع میں یونیورسٹی نہیں وہاں کالج کے طلبا کو کو منتخب کیا جائے گا۔
نگراں وزیر اطلاعات نے کہا کہ چینی حکومت کی جانب سے ہر ممکن تعاون کی یقین دہانی کرائی گئی ہے اور حکومت بلوچستان کی کوشش ہے ڈیجیٹل یوتھ پرگروام کے تحت ہر مہینے میں 4 ورکشاپ کرائیں جا ئیں۔انہوں نے کہا کہ اس سکیم سے صو بے کے ہونہار طلبااور طالبات کو فائدہ ہو گا جو کہ سوشل میڈیا کو استعمال میں لاکر کما ئی کر سکتے ہیں۔
