ریاض،23اکتوبر (اے پی پی):سعودی عرب کے ولی عہد شہزادہ محمد بن سلمان نے دارالحکومت ریاض میں جنوبی کوریا کے صدر یون سک یول سے ملاقات کی اور متعدد معاہدوں پر دستخط کیے۔
کورین صدر کےلیے باضابطہ سرکاری استقبالیہ تقریب کا انعقاد کیا گیا،انہوں نے گارڈ آف آنر کا معائنہ کی، اس موقعے پر دونوں ملکوں کے قومی ترانے بجائے گئے۔ بعد ازاں سعودی ولی عہد اور صدر یون سک یول نے باضابطہ مذاکرات کیے۔دونوں ملکوں کے درمیان متعدد دوطرفہ معاہدوں اور مفاہمت کی یادداشتوں پر دستخط کیے گئے۔ سعودی عرب اور کوریا کے درمیان دوطرفہ تعلقات کا جائزہ لیا گیا۔ دونوں ملکوں کے درمیان مختلف شعبوں میں تعاون کے پہلووں کو بڑھانے کے لیے مشترکہ کوششوں کا جائزہ اور دستیاب وسائل کی اس طرح سرمایہ کاری کے مواقع پر بات چیت کی گئی جس سے مشترکہ مفادات حاصل کیے جا سکیں۔علاوہ ازیں علاقائی اور بین الاقوامی پیش رفت اور متعلقہ امور کے علاوہ مشترکہ مفادات اور اس حوالے سے کی جانے والی کوششوں پر بھی تبادلہ خیال کیا گیا۔
