جدہ،23اکتوبر(اے پی پی): سعودی جنرل انٹرٹینمنٹ اتھارٹی کی مشیر نوشین وسیم نے کہا ہے کہ سعودی جنرل انٹرٹینمنٹ اتھارٹی کی جانب سے 29 اکتوبر سے ریاض سیزن سویدي پارک میں منعقد ہورہا ہے۔
یہ بات سعودی جنرل انٹرٹینمنٹ اتھارٹی کی مشیر نوشین وسیم نے پاکستانی، سوڈانی، فلپائین، نیپال، انڈونیشیا، ہندوستان کے مقامی صحافیوں اور سرگرم اراکین کو ایک تقریب میں بتائی۔نوشین وسیم نے بتایا کہ ریاض سیزن میں گزشتہ سال سولہ لاکھ افراد نے شرکت کی تھی۔
انہوں نے کہا کہ 45 دن تک جاری رہنے والی سویدي پارک میں سات ممالک پاکستان، ہندوستان، بنگلہ دیش، سوڈان، فلپائین،نیپال اور انڈونیشیا کے ثقافتی پروگرام منعقد ہونگے جس میں ان ممالک کے مشہور گلوکارشرکت کرینگے، ہر ملک اپنا روایتی ثقافتی پرگرام پیش کریگا، جو ایک ہفتہ تک جاری رہے گا۔
سعودی جنرل انٹرٹینمنٹ اتھارٹی کی مشیر نوشین وسیم نے بتایا کہ جنرل انٹرٹینمنٹ اتھارٹی کے وزیر ترکی الشیخ کی سربراہی میں جو ولی عہد شہزادہ محمد سلمان کی ہدایت پر 2023 ویژن جس میں سعودی عرب میں ثقافتی سرگرمیوں کا فروغ شامل ہے اور نہ صرف سعودی عوام بلکہ یہاں رہنے والے دیگر ممالک کے اہل خانہ کی تفریحات کو بھی شامل کیاگیا ہے، ترکی الشیخ ثقافتی سرگرمیوں کی نگرانی کررہے ہیں۔
نوشین وسیم نے بتایا کہ دیگر ممالک کی طرح پاکستان کے مشہور فنکار جن میں گلوکار نبیل شوکت اور گلوکارہ پاکستان سے اپنے فن کا مظاہرہ کرنے آرہی ہیں نیز مشہور مزاحیہ اداکار برکت عظمی و دیگر فنکار بھی پاکستانی سامعین کے سامنے اپنے فن کا مظاہرہ کرینگے، پاکستان سے آنے والے مہمان فنکاروں کے علاوہ پاکستان کے مقامی نوجوان فنکار پاکستان کے چاروں صوبوں کی علاقائی موسیقی اور علاقائی ملبوسات میں رقص پیش کرینگے۔ پاکستانی بینڈز، پاکستانی شادی کلچررقص، رکشہ آرٹ کا مظاہرہ ہوگا۔انہوں نے کہا کہ نومبر 30 سے پاکستانی ہفتہ شروع ہوگا، 30نومبر سے یکم دسمبر تک شاندار موسیقی کے پروگرام ہونگے۔
پاکستان کمیونٹی نے سعودی حکومت، وزیر جنرل انٹرٹینمنٹ اتھارٹی اور نوشین وسیم کا شکریہ ادا کیا کہ انکی کاوشوں سے دیگر ملکوں کی طرح پاکستان کلچر کو سعودی عرب میں فروغ دینے کے مواقع فراہم کررہے ہیں۔
