شجاع آباد،30 اکتوبر(اے پی پی ): ڈسٹرکٹ ایمرجنسی آفیسر ڈاکٹر کلیم اللہ کی ہدایات کے مطابق اور ریسکیو اینڈ سیفٹی آفیسر اعجاز حسین کی زیرِ نگرانی، ریسکیو 1122 اسٹیشن شجاع آباد کی طرف سے تحصیل شجاع آباد کے موضع رسول پور کے ہائی اسکول نورا لہدا کے اساتذہ اور طلباء کے لئے ایک روزہ پاکستان لائف سیور پروگرام ٹریننگ کا انعقاد کیا گیا۔ جس میں روڈ سیفٹی ،ابتدائی طبی امداد،مرہم پٹی،مصنوعی طریقے سے دل اور سانس کی بحالی، بہتے ہوئے خون کو روکنے کے متعلق تفصیلی طور پر بتایا اور اس کا عملی مظاہرہ بھی کروایا گیا ۔
تمام شرکاء کو PLSP APP اور RCC App پہ آن لائن رجسٹرڈ کروایا گیا اور آن لائن پری ٹسٹ ، پوسٹ ٹیسٹ کروایا گیا ۔اس ٹریننگ کا مقصد تمام شرکاء کو ایمرجنسی ہینڈلنگ کے متعلق آگاہی دینا تھا تاکہ دورانِ ایمرجنسی ریسکیو 1122 کے پہنچنے تک وہاں پر موجود لوکل کمیونٹی جائے حادثہ پر موجود زخمیوں کی فوری مدد کر سکیں اور قیمتی انسانی جانوں کو بر وقت بچا کر محفوظ معاشرے کا قیام عمل میں لایا جا سکے۔
