حکومت پنجاب تمام اسٹیک ہولڈرز کی مشاورت سے زرعی پیداوار میں اضافہ کیلئے ایک واضح روڈ میپ بنا رہی ہے۔نگران وزیر زراعت پنجاب ایس ایم تنویر

لاہور13 نومبر:( اے پی پی ) نگران وزیر زراعت پنجاب ایس ایم تنویر کی زیر صدارت زراعت ہاؤس کے آڈیٹوریم میں زراعت کے 10سالہ پلان کے حوالے سے اجلاس کا انعقاد کیا گیا ۔اجلاس میں ورکنگ گروپس زرعی شعبے کی ترقی کے حوالے سے اپنی سفارشات اور تجاویز پیش کی گئی۔ اسٹیک ہولڈرز کی مشاورت سے پنجاب ایگریکلچر سٹریٹیجک پلان 33 -2023 کو حتمی شکل دی جائے گی۔چیئرمین پلاننگ اینڈ ڈویلپمنٹ بورڈ افتخار علی سہو، سیکرٹری زراعت پنجاب نادر چٹھہ، سیکرٹری زراعت جنوبی پنجاب ثاقب علی عطیل سمیت اعلیٰ افسران کی مشاوتی اجلاس میں شرکت۔ وائس چانسلر زرعی یونیورسٹی فیصل آبادو ملتان،انڈسٹری اور دیگر اسٹیک ہولڈرز نے بھی افتتاحی سیشن شرکت کی۔صوبائی وزیر صنعت و تجارت ایس ایم تنویر نے  مشاورتی اجلاس کے افتتاحی سیشن سے خطاب کرتے ہوئے کہا کہ زرعی ترقی اور کاشتکاروں کی خوشحالی کیلئے ایک جامع پلان کا مرتب کرنا وقت کا اہم تقاضا ہے۔پنجاب ایگریکلچر سٹریٹیجک پلان زرعی ترقی کیلئے ایک اہم سنگ میل ثابت ہوگا۔حکومت پنجاب تمام اسٹیک ہولڈرز کی مشاورت سے زرعی پیداوار میں اضافہ کیلئے ایک واضح روڈ میپ بنا رہی ہے۔ انہوں نے کہا کہ گندم کی پیداوار میں اضافہ کیلئے اقدامات کیے جا رہے ہیں۔زرعی پیداوار میں اضافہ کیلئے ایگریکلچر زوننگ کا مرتب کرنا وقت کی اہم ضرورت ہے۔انہوں نے کہا کہ پنجاب ایگریکلچر سٹریٹیجک پلان بنانے کا مقصد زرعی پیداوار میں اضافہ اور کاشتکاروں کی پیداواری لاگت کم کرنا ہے۔سیکرٹری زراعت نادر چٹھہ نے اس موقع پر کہا کہ موسمیاتی تبدیلیوں کے مضر اثرات سے کاشتکاروں کو محفوظ رکھنے کیلئے جامع حکمت عملی مرتب کی جائے۔ پنجاب ایگریکلچر سٹریٹیجک پلان کو زرعی ماہرین، انڈسٹری، اکیڈمیا و دیگر اسٹیک ہولڈرز کی مشاورت سے حتمی شکل دی جائے گی۔حکومت پنجاب کی سرپرستی میں محکمہ زراعت کاشتکاروں کی فلاح کیلئے ترجیحاً اقدامات کر رہا ہے۔