اسلام آباد،20نومبر (ٓے پی پی ): نگراں وزیرِ داخلہ سرفراز احمد بگٹی کی زیر صدارت جبری لاپتہ افراد کے کیسز کے حوالے سے قائم وزراء کی کمیٹی کا اجلاس پیر کو یہاں منعقد ہوا۔
اجلاس میں اختر مینگل کمیشن کی رپورٹ کا تفصیلی جائزہ لیا گیا اور کمیشن کی سفارشات پر بھی غور و خوض کیا گیا۔اجلاس میں جبری گمشدگیوں پر پالیسی کی تشکیل کے حوالے سے بھی تفصیلی بحث کی گئی۔
اجلاس میں وزیر دفاع لیفٹیننٹ جنرل (ر) انور علی حیدر اور وزیر قانون احمد عرفان اسلم نے بھی شرکت کی۔
