پشاور،01 نومبر (اے پی پی):گورنر خیبر پختونخوا حاجی غلام علی نے پشاور یونیورسٹی میں شعبہ مطالعات سیرت النبیؐ کا افتتاح کر دیا۔
گورنر خیبر پختونخوا حاجی غلام علی نے بدھ کو پشاور یونیورسٹی کا دورہ کیا اور شعبہ مطالعات سیرت النبیؐ کا افتتاح کیا۔ افتتاحی تقریب میں سابق صوبائی وزرا ظاہر شاہ، امان اللہ حقانی، مولانا ادریس، مولانا شہاب الدین پوپلزئی، وائس چانسلر پروفیسر ڈاکٹر محمد ادریس، فیکلٹی اراکین اور دیگر نے شرکت کی۔ گورنر خیبر پختونخوا نے شعبہ مطالعات سیرت النبیؐ کے آغاز پر وائس چانسلر اور یونیورسٹی کی فیکلٹی و انتظامیہ کو مبارکباد دی۔
