لاہور، 14دسمبر(اے پی پی): وزیراعلیٰ پنجاب محسن نقوی نے اپنے زیرِ صدارت منعقدہ اجلاس میں پنجاب میں کم از کم اجرت کی ادائیگی یقینی بنانے کا حکم دیا اور کم از کم اجرت کی ادائیگی نہ کرنے والے آجروں کے خلاف کارروائی کی ہدایت بھی کی۔
وزیراعلیٰ محسن نقوی نے پنجاب بھر سے اجرت کی ادائیگیوں پر مفصل رپورٹ طلب کرلی۔ وزیراعلیٰ پنجاب نے کہا کہ انڈسٹری اور دیگر ادارے کم ازکم اجرت ادا کرنے کی ذمہ داری پوری کریں، کم از کم اجرت پر عملدرآمد نہ ہونا انتہائی افسوسناک امر ہے اور کہا کہ حکومت مزدور اورمحنت کش کو اس کا حق ادا کرنے کیلئے تمام تر ممکنہ اقدامات کرے گی۔
صوبائی وزیر ایم ایس تنویر،سیکرٹری لیبر،ایڈیشنل سیکرٹری لیبر،ڈائریکٹرجنرل لیبر،سیکرٹری کم از کم ویجز بورڈ،کمشنر پیسی اوردیگر حکام نے اجلاس میں شرکت کی۔
