لاہور، 12 جنوری(اے پی پی): نگران صوبائی وزیر صحت پروفیسر ڈاکٹر جاوید اکرم نے ارفا کریم ٹاور میں ایک کتاب کی تقریب رونمائی میں بطور مہمان خصوصی شرکت کی۔
نگران صوبائی وزیر صحت پروفیسر ڈاکٹر جاوید اکرم نے اظہار خیال کرتے ہوئے کہا کہ انتہائی اہم موضوع پر کتاب کی لانچنگ پر لکھاریوں کو مبارکباد دیتا ہوں۔ پروفیسر ڈاکٹر جاوید اکرم نے کہا کہ ایک درسگاہ کا بنیادی مقصد ہی جدید ریسرچ کو فروغ دینا ہوتا ہے۔ پوری دنیا جدید ٹیکنالوجی سے استفادہ کر رہی ہے۔ تاریخ میں پہلی بار پنجاب کے سرکاری ہسپتالوں میں آرٹیفشل انٹیلی جنس کے نظام کو متعارف کروایا گیا ہے۔
پروفیسر ڈاکٹر جاوید اکرم نے کہا کہ ہمیں اپنے روزمرہ زندگی کے امور میں جدت کا استعمال کرنا چاہئے۔ دنیا کی کوئی بھی طاقتور اکانومی آج تک جدید ٹیکنالوجی کے بغیر ترقی نہیں پا سکی۔ ڈاکٹر جاوید اکرم نے کہا کہ ہمیں پاکستان کے مسائل اور ان کے حل کا پتہ ہے۔ پاکستان میں ایوی ڈینس بیسڈ پالیسیاں ہونی چاہئیں۔ ہمیں ٹیکنالوجی خریدنے کی بجائے خود بنانی چاہئے۔ انہوں نے کہا کہ پاکستان میں گاڑیاں بن نہیں رہیں بلکہ اسیمبلنگ ہو رہی ہے۔ انھوں نے کہا کہ پاکستان میں بد قسمتی سے ایک بھی بائیو ٹیکنالوجی پلانٹ نہیں ہے۔ نظام کی بہتری کیلئے تبدیلی لانے کیلئے رسک لینا پڑتا ہے۔
پروفیسر ڈاکٹر جاوید اکرم نے کہا کہ ایسی کتاب کو سوپر کتاب کہنا چاہئے۔ پروفیسر ڈاکٹر جاوید اکرم نے کہا کہ اللہ پاک پاکستان کو مزید ترقی عطاءفرمائیں۔ انہوں نے کہا کہ صحت کے نظام میں بہتری کیلئے بھی آل پارٹیز کانفرنس بلائی جا سکتی ہے۔ اللہ پاک ہمیں پاکستان کی حقیقی معنوں میں خدمت کی توفیق عطاءفرمائیں۔
اس موقع پر چیئرمین پنجاب ہائر ایجوکیشن کمیشن ڈاکٹر شاہد منیر، پروفیسر اطہر مسعود، پروفیسر ڈاکٹر سلمان عزیز لودھی، شاہد جاوید برکی انسٹی ٹیوٹ سے ڈاکٹر شاہد نجم، رحمت اللہ، پروفیسر ڈاکٹر نظام الدین، وائس چانسلر ٹیکنالوجی یونیورسٹی پروفیسر ڈاکٹر عدنان نور میاں، دیگر افسران اور مختلف تعلیمی درسگاہوں کے طلباءو طالبات نے شرکت کی۔
