اسلام آباد،29 جنوری (اے پی پی ): الیکشن کمیشن آف پاکستان نے 29 جنوری 2024ء سے عوام الناس کو 8300 ایس ایم ایس سروس کے ذریعے اپنے ووٹ اور پولنگ سٹیشن کی معلومات کی فراہمی کے انتظامات کا آغاز کر دیا ہے، اس حوالے سے پاکستان ٹیلی کمیونیکیشن اتھارٹی کو بھی آگاہ کر دیا گیا ہے۔
الیکشن کمیشن کے ترجمان کے مطابق ووٹرز کو اپنے ووٹ کی معلومات حاصل کرنے کے لیے 8300 پر اپنا قومی شناختی کارڈ نمبر میسج میں بھیجنا ہو گا ۔ یہ سروس 29 جنوری 2024ء سے دستیاب ہو گی اور ہر ووٹر اس سروس کے ذریعے اپنے پولنگ اسٹیشن کا نام معلوم کر سکے گا، اس سروس کے چارچز 2 روپےفی ایس ایم ایس ہیں۔
الیکشن کمیشن نے تمام ووٹرز سے درخواست کی ہے کہ وہ اپنے اورگھر والوں کے ووٹ کی تفصیلات بروقت حاصل کر لیں تاکہ پولنگ اسٹیشن میں انہیں کسی دشواری کا سامنا نہ کرنا پڑے۔
