اسلام آباد،25 جنوری(اے پی پی):اسلام آباد، پنجاب،خیبر پختونخوا اور بالائی سندھ کے میدانی علاقےشدیددھندکی لپیٹ میں رہیں گے۔ دھند سے متاثرہ علاقوں میں دن کا درجہ حرارت مسلسل کم رہنے کے باعث شدید سردی رہے گی۔ محکمہ موسمیات نے شہریوں کو انتہائی محتاط رہنے کی ہدایت کی ہے۔
جمعرات کے روز ملک کے بیشترعلاقوں میں موسم شدید سرد اور مطلع جزوی ابر آلود رہے گا۔ تاہم رات میں کشمیر، گلگت بلتستان اور بالائی خیبر پختونخوا میں چند مقامات پر ہلکی بارش اور پہاڑوں پر ہلکی برفباری ہو سکتی ہے۔
گزشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ شمالی علاقوں اور شمالی بلوچستان میں شدید سرد رہا۔ اسلام آباد، خطہ پوٹھوہار، پنجاب،خیبر پختونخوا کے میدانی علاقے اور بالائی سندھ کے اضلاع میں شدید دھند /سمو گ کی لپیٹ میں رہے۔
آج ریکارڈ کیے گئے کم سے کم درجہ حرارت کے مطابق اسکردو میں منفی10، لہہ منفی 09، استور، کالام،گلگت منفی 06، سری نگر، بونجی منفی 04،چترال، دیر،ہنزہ، مالم جبہ، میرکھانی اورراوالاکوٹ میں منفی 03 ڈگری سینٹی گریڈ ریکارڈ کیا گیا۔
