اسلام آباد، 25جنوری(اے پی پی): نگران وزیراعظم پاکستان انوار الحق کاکڑ کی ہدایت پر وزارت مذہبی امور کی طرف سے کل مورخہ 26 جنوری جمعہ کے روز ملک بھر کی مساجد میں نماز استسقاء کا اہتمام کی اپیل کی گئی ہے۔
وزارت مذہبی امور نے تمام وفاقی و صوبائی حکومتوں کو نماز استسقاء کا اہتمام کرنے کی ہدایت کی ہے
وزارت مذہبی امور کی جانب سے جاری کردہ مراسلے میں کہا گیا ہے کہ حالیہ خشک سالی سے ملک بھر میں صحت اور سموگ کے مسائل پیدا ہو رہے ہیں اس لیے جمعہ کے روز مساجد کے پیش امام اور عوام مسنون صلاۃ الاستسقاء کا لازمی اہتمام کریں اور اللہ رب العزت سے خصوصی مغفرت طلب کرتے ہوئے باران رحمت کی دعا کریں۔
