اسلام آباد،13 فروری(اے پی پی):آئندہ چوبیس گھنٹوں کے دوران ملک کے بیشتر علاقوں میں موسم سرد اور خشک جبکہ بالائی علاقوں میں شدید سرد اور مطلع جزوی ابر آلود رہنے کا امکان ہے تاہم بلوچستان کے جنوبی اضلاع میں مطلع جزوی ابر آلود رہنے کے علاوہ مکران کے ساحلی علاقوں میں چند مقامات پر تیز ہواؤں اور گرج چمک کے ساتھ بارش کی توقع ہے۔
بدھ کے روز ملک کے بیشترعلاقوں میں موسم سرد اور خشک جبکہ بالائی علاقوں میں شدید سرد رہے گا ۔
گزشتہ چوبیس گھنٹوں کے دوران ملک کے بیشتر علاقوں میں موسم سرد اور مطلع جزوی ابر آلود جبکہ شمالی اضلاع میں شدید سرد رہا۔ تاہم جنوبی بلوچستان میں چند مقا مات پر بارش ہوئی۔ سب سے زیادہ بارش گوادر میں 17،جیوانی15 اورپسنی میں04 ملی میٹر بارش ریکارڈ ہوئی۔
آج ریکارڈ کیے گئے کم سے کم درجہ حرارت کے مطابق لہہ میں منفی 09،اسکردو، کا لام منفی07، گوپس، استورمنفی 05، بگروٹ منفی 04،سری نگر،گلگت اورہنزہ میں منفی03 ڈگری سینٹی گریڈ ریکارڈ کیا گیا۔
