اسلام آباد،5مارچ (اے پی پی):پاکستان کبڈی فیڈریشن کے زیر اہتمام سرسبز 43 ویں نیشنل کبڈی چیمپئن جناح سٹیڈیم اسلام آباد میں جاری ہے ،منگل کے روز چیمپئن شپ کے دو میچز کھیلے گئے ، پہلے میچ میں پاکستان ائیر فورس نے ہائیر ایجوکیشن کمیشن کو 33-52 پوائنٹس سے ہرا دیا جبکہ دوسرے میچ میں پاکستان واپڈا نے پاکستان آرمی کو 38-41 پوائنٹس سے ہرا دیا۔
مزید دو میچ (کل )بدھ کو جناح سٹیڈیم، اسلام آباد میں کھیلے جائیں گے۔ پہلے میچ میں پاکستان ائیر فورس کا مقابلہ پاکستان آرمی سے ہوگا۔ دوسرے میچ میں پاکستان واپڈا اور ہائر ایجوکیشن کمیشن کی ٹیمیں مدمقابل ہوں گی اور 7 مارچ کو لیگ میچز کھیلے جائیں گے جبکہ 8 مارچ کو چیمپئن شپ کا فائنل اور تیسری پوزیشن کا میچ کھیلا جائے گا۔
