سکھر،22مارچ(اے پی پی) ایس ایس پی نے باقاعدہ اپنے عہدے کا چارج سنبھال کر کام شروع کردیانئے تعینات ہونے والے ایس ایس پی عابد بلوچ کو ایس ایس پی آفس آمد پرپولیس کے چاق و چوبند دستے نے سلامی دی، ایس ایس پی نے باقاعدہ اپنے عہدے کا چارج سنبھال کر کام شروع کردیا اورآفس کی تمام برانچز کا وزٹ کیا۔
اس موقع پر ایس ایس پی کا کہناتھا کہ مجھے امید ہے کہ میرا اسٹاف اپنے فرائض منصبی محنت ،لگن و ایمانداری اور خوش اسلوبی سے سر انجام دے گا،میری ترجیحات میں قانون کی حکمرانی، جرائم و جرائم پیشہ افراد کا خاتمہ اور خاص طور پر منشیات فروشان سے کسی قسم کی کوئی رعایت نہیں برتی جائے گی، ہر صورت سکھر کہ امن امان کو بحال کیا جائے گا، انسداد جرائم کے لیے عملی اقدامات اٹھائیں گے کسی کو قانون ہاتھ میں لینے کی ہرگز اجازت نہیں دی جائیگی۔اور سکھر کا روایتی امن ہر صورت میں بحال رکھیں گے ۔
