لاہور،18مارچ:( اے پی پی ): وزیر اعلیٰ پنجاب مریم نواز شریف کی زیر صدارت پنجاب کابینہ کا دوسرا اجلاس منعقد ہوا ۔صوبائی کابینہ نے تاریخ کا بہترین رمضان پیکیج پیش کرنے پر وزیر اعلیٰ مریم نواز شریف کو خراج تحسین پیش کیا ۔اجلاس سے خطاب کرتے ہوئے وزیر اعلیٰ مریم نواز شریف نے کہا کہ پرائس کنٹرول میں بہتری کی وجہ سے اشیاء کے بے مثال حد تک نرخ نیچے آرہے ہیں۔چیف سیکرٹری اور ان کی ٹیم، ضلعی انتظامیہ ر مضان میں بہتر اقدامات پر شاباش کی مستحق ہے۔ پوری ٹیم نے رمضان پیکیج اور پرائس کنٹرول کے لیے توقع سے بڑھ کر کام کیا۔ اگلے سال مستند ڈیٹا کے ساتھ بہتر رمضان پیکیج لائیں گے۔ انہوں نے کہا کہ صوبے بھر میں 35لاکھ سے زائد گھرانوں کورمضان پیکیج کی ترسیل مکمل ہوچکی ہے۔ ایک ہفتے تک رمضان پیکیج کی ترسیل کا عمل مکمل کر لیا جائے گا۔ انہوں نے کہا کہ پیاز اور دیگر اشیاء کی قیمتیں تیزی سے نیچے آرہی ہیں۔اس موقع پر سینئر صوبائی وزیر مریم اورنگزیب نے گفتگو کرتے ہوئے کہا کہ وزیر اعلیٰ مریم نواز شریف کے ویژن کے مطابق رمضان نگہبان پیکیج تاریخی اقدام ہے۔ رمضان پیکیج کی کامیابی کا کریڈٹ پوری ٹیم کو جاتا ہے۔اجلاس میں صوبائی کابینہ نے 2023-24کے بجٹ مالیتی 4480.7ارب روپے کی منظوری دے دی مالی سال 2023-24 کے لئے ترقیاتی بجٹ 655ارب روپے مختص کیا گیا ہے سماجی تحفظ اقدامات کا تخمینہ بجٹ20ارب روپے بھی منظور کیے گئے صحت کے لئے 473.6،تعلیم کے لئے 596ارب، تعمیرات 382ارب اور لوکل گورنمنٹ127.7 ارب روپے کا بجٹرمضان پیکیج کے لئے 30ارب روپے کا بجٹ منظور کیا گیا ۔اجلاس میں مفت کتابوں کی فراہمی کے لئے 11ارب روپے سنٹرل بزنس ڈسٹرکٹ کے لئے12.5ارب روپے پی کے ایل آئی انڈومنٹ فنڈ کے لئے 10ارب روپےحفظان صحت کے توسیع پروگرام کے لئے 11.4ارب روپے گندم کے قرضہ کی ادائیگی کے لئے 264ارب روپے مختص کیے گئے ۔اجلاس میں وزیر اعلیٰ مریم نواز شریف کے خصوصی اقدامات کے لئے بھی بجٹ مختص کیا گیا جبکہ بجٹ میں زراعت پر 25.6ارب روپے سبسڈی کے لئے مختص کئے گئے ۔صوبائی کابینہ نے ضمنی بجٹ 2023-24 کی منظوری بھی دی۔
صوبائی کابینہ نے پنجاب سیلز ٹیکس سروس ایکٹ میں ترامیم کی منظوری بھی دی کابینہ نے جولائی تا اکتوبر، نومبر تا فروری اور مارچ 2024 کے بجٹ کی توسیع بھی کی کابینہ نے آئی ایم ایف کو تسلی بخش بریفنگ دینے پر سیکرٹری فنانس مجاہد شیر دل کو سراہاصوبائی وزراء، چیف سیکرٹری، آئی جی اور دیگر متعلقہ حکام نے اجلاس میں شرکت کی ۔
