پشاور، 23مارچ(اے پی پی): ملک کے دیگر حصوں کیطرح پشاور میں یوم پاکستان ملی جوش و جذبے کے ساتھ منایا جا رہا ہے، اور اس سلسلہ میں دن کا آغاز ہوتے ہی پاک فوج کی جانب سے توپوں کی سلامی دی گئی۔
یوم پاکستان کے موقع پر صبح پانچ بجے شیر خان سٹیڈیم پشاور میں پاک فوج کے چاک و چوبند دستوں نے 21 توپوں کی سلامی دی۔توپوں کی سلامی دینے کی تقریب میں موجود پاک فوج کے جوانوں نے نعرہ تکبیر بلند کیا، اور فضا اللہ اکبر اور پاکستان زندہ باد کے نعروں سے گونج اٹھی۔
