اسلام آباد، 22 مارچ(اے پی پی ): پاکستان کی تاریخ میں پہلی بارانٹر کالجیٹ رمضان ٹی ٹوئنٹی کپ 2024 کا میلہ سج گیا، چیئرمین پاکستان کرکٹ بورڈ محسن نقوی نے جمعہ کو ٹورنامنٹ کا باقاعدہ افتتاح کیا۔ محسن نقوی نے ٹورنامنٹ ٹرافی کی رونمائی کی اور ٹورنامنٹ میں حصہ لینے والی ٹیموں کے کپتانوں سے مصافحہ کیا۔
اس موقع پر محسن نقوی نے کہا کہ انٹر کالجیٹ رمضان ٹی ٹوئنٹی کپ کے انعقاد سے نچلی سطح سے ٹیلنٹ سامنے آئے گا۔
اسلام آباد اور کراچی لیگ کے میچ کل 23 مارچ سے شروع ہوں گے جبکہ لاہور لیگ کے 21 میچز پی ٹی وی سپورٹس پر براہ راست نشر کیے جائیں گے۔ پی سی بی نے تماشائیوں کو کھیل دیکھنے کے لیے مفت داخلے کی اجازت دی ہے۔
