کوئٹہ 16 اپریل ( اے پی پی ) بلوچستان کے آئی جی پولیس عبدالخالق شیخ نے نوشکی میں مزدوروں کے قتل کے جائے وقوعہ کا دورہ کیا۔دورے کے دوران ڈی آئی جی رخشاں وزیر خان ناصر نے نوشکی میں مزدوروں کے قتل کے حوالے سے بریفنگ دی۔انہوں نے کہا کہ پولیس واقعے کے تمام پہلوؤں پر تحقیقات کر رہی ہے۔
اس موقع پر آئی جی پولیس عبدالخالق شیخ نے کہا کہ صوبہ کے تمام راستوں کی فول پروف سکیورٹی اولین ترجیحات میں شامل ہے جس میں کوئی کوتاہی نہیں کی جائے گی۔انہوں نے کہا عوام کا تحفظ اولین ترجیح ہے۔آئی جی بلوچستان نے داخلی و خارجی راستوں پر تعینات پولیس اہلکاروں کو ہدایت کی کہ وہ الرٹ رہیں ،علاقے کو جرایم سے پاک کرنے کے لیے ہر ممکن کوشش کریں گے۔
اس موقع پر ڈی آئی جی رخشاں وزیر خان ناصر ،ڈی آئی جی سی ٹی ڈی اعتزاز احمد گواریا،اے آئی جی آپریشنز محمد بلوچ ،ڈی پی او نوشکی اللہ بخش اور دیگر حکام بھی موجود تھے۔
