لاہور، 25 اپریل (اے پی پی): کمشنر لاہور محمد علی رندھاوا کی زیر صدارت روٹی و نان کی قیمتوں کے نفاذ و گندم خریداری کے حوالے سے اہم اجلاس منعقد ہوا ۔ کمشنر لاہور نے ہدایت دی کہ روٹی و نان کی قیمتوں کے حوالے سے پنجاب قیمت ایپ پر آنے والی شکایات کا 24گھنٹے میں ہی ازالہ ہونا چاہئیے۔
کمشنر لاہور کو بریفنگ میں بتایا گیا کہ قیمتوں کے نفاذ کیلئے لاہور شہر میں 24گھنٹے میں 1703 انسپیکشنز ہوئیں، 40ایف آئی آرز درج کی گئیں۔ کمشنر لاہور نے کہا کہ لاہور میں کل انسپیکشنز میں روٹی و نان قیمتوں کی 10 فیصد سے کم خلاف ورزیاں پائی گئیں۔ 15اپریل تا 25اپریل لاہور ڈویژن میں روٹی و نان کی قیمتوں کی 11فیصد خلاف ورزیاں ہوئیں۔ کمشنر لاہور ڈویژن محمد علی رندھاوا نے ڈی سیز کو خلاف ورزیاں زیرو فیصد پر لانے کی ہدایات جاری کردیں۔
کمشنر لاہور نے کہا کہ لاہور ڈویژن میں 24گھنٹوں میں 3037 انسپیکشنز کی گئیں۔ذنھوں نے ہدایت دی کہ روٹی و نان کی قیمتوں کیلئے انسپیکشنز کے دوران زیرو ٹالرنس رکھیں۔لاہورڈویژن میں 24گھنٹوں میں روٹی و نان کی سرکاری قیمتوں کیخلاف ورزی پر 4لاکھ 32ہزار روپے جرمانہ عائد کیا گیا اور 37ایف آئی آرز درج کی گئی اور 23 کو گرفتار کر لیا گیا۔
کمشنر لاہور نے کہا کہ گندم خریداری مراکز میں کسانوں کیلئے سیٹنگ ۔پانی و تمام سہولیات کو یقینی بنایا جائے۔کمشنر لاہور نے ہدایت دی کہ حکومت پنجاب کی ہدایات کیمطابق گندم خرید ہوگی۔
اجلاس میں ایڈیشنل کمشنر عبدالسلام عارف،اے ڈی سی جی لاہور محمد شجعین وسترو سمیت ڈی ایف سی ز کی شرکت۔تمام ڈی سی ز نے بزریعہ ویڈیو لنک شرکت کی۔
