لاہور17 اپریل ( اے پی پی )وزیر اعلیٰ پنجاب مریم نواز شریف کی زیر صدارت خصوصی اجلاس ہوا۔اجلاس میں بنیادی اور دیہی صحت مراکز اور سڑکوں کی بحالی پروگرام کا جائزہ لیا گیا ۔پنجاب بھر کی 590روڈز کی تعمیر و بحالی شروع، چار سڑکیں مکمل،پانچ روڈز پر کام جاری مراکز صحت کی تعمیر ومرمت بھی شروع، پھول نگر،مانگا،شامکے بھٹیاں اور فیروز والا کے مراکز صحت کی تعمیر و بحالی مکمل کر لی گئی۔وزیر اعلیٰ پنجاب مریم نواز شریف نے روڈز کے اطراف شجر کاری کا حکم دیا ،گوجرانولہ لاہور ایکسپریس وے کے اطراف میں ایک لاکھ درخت لگانے کی ہدایت کی اور ایس ایل تھری کی جلد از جلد تکمیل کا حکم بھی دیا۔اجلاس میں ایس ایل فور کی جلد از جلد تعمیر کے لئے وفاقی حکومت سے رابطے تیز کرنے پر اتفاقِ کیا گیا دیپالپور تا لیہ میگا روڈ اور دیگر روڈز کی تعمیر کے لئے سفارشات کا جائزہ لیا گیا ۔وزیراعلیٰ مریم نواز نے مراکزِ صحت کی اپگریڈیشن ہنگامی بنیادوں پر مکمل کرنے کی ہدایت کی اور کہا کہ روڈز اور ہسپتالوں کی تعمیر و بحالی پراجیکٹس میں شفافیت کو مدنظر رکھا جائے۔ روڈز کی تعمیر و بحالی کے پراجیکٹس کا خود جا کر جائزہ لوں گی۔ اجلاس کو بریفنگ کے دوران بتایا گیا کہ “سڑک بحال…… پنجاب خوشحال“ کے تحت چار رابطہ روڈز کی تعمیر و مرمت مکمل کر لی گئی۔ پنچاب کی پانچ اہم رابطہ سڑکوں کی تعمیر و بحالی شروع ہوچکی ہے۔مریدکے تاناروال،پینسرہ تا شورکوٹ،جھانگرہ تا احمد پور شرقیہ،چونڈہ تا سبز پیر اور ظفر وال روڈ کی تعمیرکا کام تیزی سے جاری ہے۔ ملتان وہاڑی ایکسپریس وے کی تعمیر کے لئے مئی میں انوسٹرکانفرنس ہوگی۔ بہاولپور تا جھانگڑہ شرقی پنجاب کی خوبصورت ترین ایکسپریس وے بنے گی۔ سینئر صوبائی وزیر مریم اورنگزیب، سینیٹر پرویز رشید،صوبائی وزیر کمیونیکشن اینڈ ورکس صہیب احمد ملک، چیئرمین پلاننگ اینڈ ڈویلپمنٹ بورڈاور سیکرٹری تعمیرات و مواصلات نے اجلاس میں شرکت کی۔
