سکھر،25اپریل(اے پی پی):اروڑ یونیورسٹی میں ”انٹر فیتھ رلیجس ڈپلومیسی ان دی انڈس ویلی سولائیزیشن، انٹرپریٹیشن فرام ہسٹری، آرٹ، آرکیٹیکچر اینڈ ہیریٹیج” کے موضوع پر منعقدہ دو روزہ بین الاقوامی کانفرنس کا آغاز ہوگیا ہے۔اروڑ یونیورسٹی میں منعقد دو روزہ انٹرنیشنل کانفرنس کاافتتاح کمشنر سکھر فیاض حسین عباسی، اروڑ یونیورسٹی کے وائس چانسلر پروفیسر ڈاکٹر زاہد حسین کھنڈ کے ساتھ مختلف یونیورسٹیوں کے وی سیز نے کیا۔
افتتاحی تقریب سے خطاب کے دوران کمشنر فیاض عباسی کی جانب سے کانفرنس کا انعقاد ایک بہترین کاوش قرار دیا گیا۔ انہوں نے خطاب کرتے ہوئے کہا کہ طلباءکو تحقیق کی طرف راغب کرنا وقت کی ضرورت ہے اس طرح کی کانفرنسز کے ذریعے طلباءمیں تحقیق کا جذبہ پیدا کیا جاسکتا ہے جبکہ اروڑ یونیورسٹی کے وائس چانسلر ڈاکٹر زاہد حسین کھنڈ کی جانب سے شرکاءکے خیالات و اظہار کا خیر مقدم کرتے ہوئے ان کا شکریہ ادا کیا گیا۔کانفرنس میں انٹرنیشنل اسپیکر ڈاکٹر اسٹوئین بونٹا نے خصوصی طور پر شرکت کی اور شریک طلباءکو لیکچر دیا۔
کانفرنس میں سندھ کی مختلف جامعات کے وائس چانسلرز، محققین ، تاریخ دان اور طلباءو طالبات کی بڑی تعداد نے شرکت کی کانفرنس کے دوران مختلف جامعات کے وائس چانسلرز نے خطاب کیا جبکہ کانفرنس میں شریک طلباءکی جانب سے کانفرنس میں خصوصی دلچسپی کا اظہار کیا گیا ۔
