ملتان،29 اپریل(اے پی پی):ڈپٹی کمشنر کیپٹن ریٹائرڈ رضوان قدیر کی ہدایت پر آن لائن کمپلینٹ مینجمنٹ پورٹل فعال کرنے کا حکم دیا اور کہا کہ شہریوں کی درخواستوں کو آن لائن محکموں کو بھیج کر فوری انصاف فراہم کیا جائے گا۔
رضوان قدیر کی صدارت میں ضلعی افسران کا ہفتہ وار کارکردگی جائزہ اجلاس منعقد ہوا ۔ اجلاس میں اوپن ڈور پالیسی کو ہر صورت نافذ کرنے کے احکامات جاری کئے گئے ہیں۔
ڈپٹی کمشنرنے کہا پرائس کنٹرول مہم،ڈینگی اور ریونیو واجبات کی وصولی کو ترجیح بنایا جائے،عوام کا سرکاری اداروں پر اعتماد بحال کرنے کیلئے اصلاحات کرنا ہوں گی اور ای کمپلینٹ پورٹل کے ذریعے افسران کی کارکردگی کا آڈٹ کیا جائے گا۔ انہوں نے کہا کہ شہر اولیاء میں تجاوزات کے خاتمے کیلئے روزانہ کی بنیاد پر آپریشن جاری رکھا جائے اور کہا ریونیو افسران کورٹ ورک کے ذریعے کیسز کا جلد فیصلہ کرکے عوام کو ریلیف دیں۔
