کراچی،17 اپریل(اے پی پی):پاکستان اور ویسٹ انڈیز کی خواتین کرکٹ ٹیمیں نیشنل بینک اسٹیڈیم پہنچ گئیں،پاکستان ویمنز ٹیم آج بروز بدھ آپشنل ٹریننگ سیشن میں حصہ لے رہی ہے۔ٹریننگ لینے والی کھلاڑیوں میں کپتان ندا ڈار،عالیہ ریاض،بسمہ معروف، نتالیہ پرویز اور سدرہ نواز شامل ہیں۔
آج ٹریننگ کے اختتام پر دونوں ٹیموں کی کپتان ٹرافی رونمائی میں حصہ لیں گی۔پاکستان اور ویسٹ انڈیز کے درمیان ون ڈے سیریز کا آغاز کل سے نیشنل بینک اسٹیڈیم میں ہو گا۔پہلا ون ڈے انٹرنیشنل میچ صبح ساڑھے نو بجے شروع ہوگا۔
