ملتان،29 اپریل(اے پی پی): ڈپٹی کمشنر کیپٹن ریٹائرڈ رضوان قدیر نے انٹر کے امتحانی مراکز کا اچانک دورہ کیا اورامیدواروں کو فراہم سہولیات اور امتحانی مٹیریل کی ترسیل کا جائزہ لیا، اس موقع پر سی ای او ایجوکیشن فیض احمد ریاض نے امتحانی مراکز پر انتظامات پر بریفنگ دی۔
ڈپٹی کمشنر رضوان قدیر نے کہا کہ امتحانی مراکز کی حدود میں قیام امن کیلئے دفعہ 144 نافذ کی گئی ہے اور کہا امیدواروں کو پارکنگ،پانی اور سیکورٹی کی موثر سہولت فراہم کی جائے۔ انہوں نے کہا تعلیمی اداروں میں قائم مراکز میں امتحانی عمل شفاف رکھنا ترجیح ہے اور کہا ضلعی افسران کو روزانہ کی بنیاد پر امتحانی مراکز کے وزٹ کرنے کی ہدایت کی ہے۔
