ڈیرہ بگٹی،29 اپریل (اے پی پی ): ڈیرہ بگٹی میں 5 روزہ انسداد پولیو مہم کا آغاز ہو گیا ہے،ڈپٹی کمشنر اظہر شہزاد نے بچوں کو پولیو کے قطرے پلا کر پولیو مہم کا افتتاح کیا۔
پولیو مہم کے دوران ضلع کے 18 یونین کونسل میں 5 سال تک کے80,000 سے زائد بچوں کو پولیو کے قطرے پلانے کا ہدف رکھا گیا ہے،پانچ روزہ پولیو مہم کے لئے 225 موبائل ٹیمیں، 16 ٹرانزٹ پوائنٹ اور 24 فکس سائٹ تشکیل دی گئی ہیں۔
ڈپٹی کمشنر ڈیرہ بگٹی اظہر شہزاد نے والدین سے گزارش کی کہ اپنے بچوں کوپولیوکےقطرے پلانےکےلئے پولیو ٹیموں سے تعاون کریں۔انہوں نے کہا کہ گزشتہ ماہ تحصیل سوئی کے ڈھائی سالہ بچے میں میں پولیو وائلڈوائرس ٹائپ ون کی تصدیق ہوئی تھی، پولیو ویکسین سے ہی اس خطرناک بیماری کوشکست دینا ممکن ہے۔
