لاہور، 28 اپریل (اے پی پی): گورنر پنجاب محمد بلیغ الرحمن سے ریمن میگسیسے ایوارذ فاؤنڈیشن کے وفد نے ہفتہ کو یہاں ملاقات کی۔وفد میں ریمون میگ سیسے ایوارذ فاؤنڈیشن کی چیئرپرسن، اخوت فاؤنڈیشن کے سربراہ ڈاکٹر امجد ثاقب اور ریمون میگ سیسے ایوارذ فاؤنڈیشن اور اخوت فاؤنڈیشن کے چیف کوأرڈینیٹر ابوبکر صدیق سمیت دیگر عہدیداران شامل تھے۔
گورنر پنجاب نے گفتگو کرتے ہوئے کہا کہ فلاحی کام کرنے والوں کی حوصلہ افزائی سے معاشرے میں دوسرے لوگوں میں اچھے کام کی تحریک پیدا ہوتی ہے۔ انھوں نے کہا کہ اخوت کے سربراہ امجد ثاقب کو سماجی خدمات پر ریمون میگ سیسے فاؤنڈیشن ایوارڈ پاکستان کے لیے اعزاز کی بات ہے۔
گورنر پنجاب نے کہا کہ پاکستان میں اخوت، ایدھی, انڈس فاؤنڈیشن اور ان جیسے دیگر ادارے غربت ختم کرنے اور سماجی ترقی میں حکومت کے شانہ بشانہ اہم کردار ادا کر رہے ہیں۔ وفد کو گورنر ہاؤس کا دورہ بھی کرایا گیا۔
