اسلام آباد،09مئی(اے پی پی): محکمہ موسمیات کے مطابق کل(بروز جمعہ)رات کے اوقات میں شمالی بلوچستان، خیبر پختونخوا، بالائی پنجاب، کشمیراور گلگت بلتستان میں چند مقامات پرآندھی/ جھکڑ چلنے اور گرج چمک کے ساتھ بارش کی توقع ہے۔
جمعرات کے روز ملک کے بیشترعلاقوں میں موسم گرم اور خشک جبکہ وسطی اورجنوبی علاقوں میں شدید گرم رہنے کے علاوہ گرد آلود ہوائیں/جھکڑ چلنے کا امکان ہے۔
گزشتہ 24 گھنٹوں کے دوران ملک کے بیشتر علاقوں میں موسم گرم اورخشک جبکہ وسطی اور جنوبی اضلاع میں شدید گرم رہا۔
گزشتہ روزریکارڈ کیے گئے زیادہ سے زیادہ درجہ حرارت کے مطابق شہید بینظیرآباد، دادو میں اڑتالیس (48)، جیکب آباد، موہنجوداڑو، لاڑکانہ، سبی، روہڑی میں سینتالیس (47) جبکہ رحیم یارخان، خان پور، بھکر، ڈی جی خان، خیرپور، مٹھی، سکھر، پڈعیدن اورسکرنڈ میں چھیالیس (46)ڈگری سینٹی ریکارڈ کیا گیا۔
