اسلام آباد،06مئی(اے پی پی):محکمہ موسمیات کے مطابق آئندہ چوبیس گھنٹوں کے دوران ملک کے بیشترعلاقوں میں موسم گرم اور خشک رہے گا،تاہم گلگت بلتستان میں مطلع جزوی ابر آلود رہنے کے علاوہ چند مقامات پر گرج چمک کے ساتھ بارش ہوسکتی ہے۔ ملک کے میدانی علاقوں میں دن کے درجہ حرات میں بتدریج اضافے کا امکان ہے۔
گز شتہ چوبیس گھنٹوں کے دوران ملک کے بیشترعلاقوں میں موسم گرم اورخشک رہا۔ تاہم دالبندین میں02ملی میٹر بارش ریکارڈ کی گئی۔
گزشتہ روز ریکارڈ کیے گئے زیادہ سے زیادہ درجہ حرارت کے مطابق شہید بینظیر آباد ، موہنجوداڑو ، جیکب آباد 43، خیرپور،چھور، دادو، سکھر، پڈعیدن اورروہڑی میں 42ڈگری سینٹی ریکارڈ کیا گیا۔
