اسلام آباد،02 مئی (اے پی پی): محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم خشک جبکہ جنوبی علاقوں میں گرم رہنے کا امکان ہے تاہم سندھ اور جنوبی بلوچستان میں بعد از دوپہر آندھی/جھکڑ چلنے کی توقع ہے۔
جمعه کے روز خیبر پختونخواہ،شمالی/شمال مغربی بلوچستان، گلگت بلتستان ، کشمیر اور خطہ پوٹھوہار میں آندھی/جھکڑ چلنے اور گرج چمک کے ساتھ بارش کا امکان ہے۔
گزشتہ چوبیس گھنٹوں کے دوران ملک کے بیشتر علاقوں میں موسم خشک جبکہ جنوبی علاقوں میں گرم رہا۔
گزشتہ روز ریکارڈ کیے گئے زیادہ سے زیادہ درجہ حرارت کے مطابق لسبیلہ میں 41،دادو،مٹھی اورچھور میں 40ڈگری سینٹی گریڈ ریکارڈ کیا گیا۔
