لاہور 16 مئی ( اے پی پی ) وزیر اعلیٰ پنجاب کی ہدایت پر انڈسٹریل سٹی کے قیام کے حوالے سے سفارشات مرتب کرنے کیلئے بنائی گئی کمیٹی کا اجلاس منعقد ہوا ۔کمیٹی کے چیئرمین صوبائی وزیر صنعت و تجارت چوہدری شافع حسین نے اجلاس کی صدارت کی محکمہ صنعت و تجارت کے کمیٹی روم میں منعقدہ اجلاس میں صنعتی شہر کے لئے زمین کے انتخاب کے حوالے سے مختلف آپشنز پر غور کیا گیا ۔صوبائی وزیر صنعت و تجارت چوہدری شافع حسین نے اس موقع پر گفتگو کرتے ہوئے کہا کہ گارمنٹس اور ٹیکسٹائل کا صنعتی شہر 2000ایکڑ رقبے پر بنے گا، صنعتی شہر بننے سے ٹیکسٹائل سیکٹر فروغ پائے گاگارمنٹ سٹی کے منصوبے کو تیز رفتاری سے آگے بڑھایا جائے گا انڈسٹریل اسٹیٹس کے حوالے سے نئی پالیسی لارہے ہیں جس کے تحت زرعی زمین پر کوئی انڈسٹریل اسٹیٹ نہیں بنے گی نئے صنعتی شہر کے قیام کے لئے تجاویز کو آیندہ 3روز تک حتمی شکل دی جائے ۔گارمنٹ سٹی میں سولر انرجی کے حوالے سے ورکنگ کی جائے، انہوں نے کہا کہ تیار کردہ سفارشات منظوری کیلئے وزیر اعلیٰ کو پیش کی جائیں گی اجلاس میں مختلف ممالک میں موجود گارمنٹس سٹیز کا بھی جائزہ لیا گیاسیکرٹری صنعت و تجارت احسان بھٹہ ،چئیرمین ٹیوٹا بریگیڈیئر ریٹائرڈ محمد ساجد کھوکھر ،متعلقہ محکموں کے افسران اور کمیٹی ممبران نے اجلاس میں شرکت کی۔
