ڈیرہ بگٹی، 18جون (اے پی پی)وزیر اعلیٰ بلوچستان میر سرفراز بگٹی نے پاکستان ہاؤس بیکڑ میں عوامی وفود سے ملاقات کی ۔وزیر اعلٰی بلوچستان عید کے دوسرے دن بھی عوام میں رہے مقامی عمائدین اور عوام کی بڑی تعداد نے وزیر اعلیٰ کو عید کی مبارکباد دی اور مسائل سے آگاہ کیا وفود سے گفتگو کرتے ہوئے وزیراعلی بلوچستان نے کہا کہ آئندہ مالی سال کے بجٹ میں صحت اور تعلیم کے لئے غیر معمولی وسائل مختص کئے جائیں گے بجٹ میں بلوچستان کی عوام کی بہبود کو مدنظر رکھا جائے گا، وزیراعلی نے کہا کہ گورننس کی بہتری سے عوامی مسائل کا حل ممکن ہےمحدود دستیاب وسائل بھی بد عنوانیوں کی نظر ہوجاتے ہیں، وزیر اعلٰی بلوچستان نے کہا کہ محکمے بہتر ہوں گے تب ہی عوام کی بہتری ہوگی ہم ہر شعبے میں اصلاحات لاررہے ہیں سخت فیصلے لینے ہوں گے۔
