پشاور، 16جون(اے پی پی): پشاور کے نواحی علاقہ حسن خیل میں پاک فوج کے زیر انتظام ڈی جی سکلز پروگرام کے دوسرے بیچ کی تکمیل پر تقریب کا انعقاد کیا گیا۔
اس پروگرام کے تحت کل 280 جوانوں اور خواتین نے آن لائن سکلز جیسے فری لانسنگ ، آٹوکیڈ اور گرافِکس ڈیزائن وغیرہ میں تربیت مکمل کی اور اب تک اس پروگرام سے 532 جوان اور خواتین مستفید ہو چکے ہیں جبکہ اگلے بیچ کیلئے پاک فوج کی جانب سے رجسٹریشن جاری ہے
یہ پروگرام 300 افراد کے لئے آن لائن سکلز کی مدد سے رزق حلال کا ذریعہ بن چکا ہے۔ علاقے کے مشران خصوصاً نوجوانوں نے ڈی جی سکلز ڈویلپمنٹ پروگرام کے تحت اپنی استعداد کار بڑھانے پر پاک فوج کا شکریہ ادا کیا۔
