لاہور، 12 جون (اے پی پی): صوبائی وزیر تعمیرات و مواصلات اور قانون ملک صہیب احمد بھرتھ سے امریکی قونصل جنرل لاہور کرسٹین کے ہاکنز نے ملاقات کی، دو طرفہ باہمی دلچسپی کے امور پر تبادلہ خیال کیا۔ ملاقات میں پولیٹکل اسسٹنٹ مسٹر ڈکلس اور سیکرٹری سی اینڈ ڈیبلیو سہیل اشرف موجود تھے۔
کرسٹن کے ہاکنز نے گفتگو کرتے ہوئے کہا کہ پنجاب حکومت اقلتیوں کے تحفظ اور ان کو ترقی کے یکساں مواقع فراہم کرنے کے لئے اقدامات اُٹھا رہی ہے۔ پنجاب حکومت کے زرعی سیکٹراور ماحولیاتی آلودگی پر قابو پانے کے اقدامات قابل ستائش ہیں۔ امریکی قونصل جنرل نے کہا کہ پنجاب حکومت پلانٹیشن مہم کے لئے اہم کردار ادا کررہی ہے۔
صوبائی وزیر قانون نے کہا کہ پنجاب کے ینگ وکلاء کی ٹریننگ کے لئے ٹریننگ پروگرام شروع کرنے پر ورکنگ جاری ہے۔ ینگ لائرز کے لئے سیمینار بھی منعقد کروایا جائے گا۔ملک صہیب احمد بھرتھ نے کہا کہ پنجاب میں ہتک عزت کے قانون پر عمل درآمد سے فیک نیوز کا خاتمہ ہو گا۔ قانون سازی کے عمل میں تمام سٹیک ہولڈرز کو شامل کیا گیا ہے۔ انھوں نے کہا کہ پنجاب حکومت تعمیراتی تنقید کوسراہتی ہے۔
صوبائی وزیر نے کہا کہ محکمہ سی اینڈ ڈبیلیو میں ای ٹرینڈنگ سے کرپشن پر قابو پایا گیا ہے۔ پنجاب میں 590 روڈز اور 5 ایکسپریس ویز کے قیام کی جانب گامزن ہیں۔ پبلک منی کو بچانے کیلئے محکمہ سی اینڈ ڈبیلیو میں اقدامات کا سلسلہ جاری ہے۔
