لاہور، 6 مئی(اے پی پی): صوبائی وزیر صحت خواجہ عمران نذیر کی زیر صدارت پنجاب ہیلتھ ریفارمز روڈ میپ کا اجلاس منعقد ہوا جس میں ہیلتھ روڈ میپ کے تحت جاری منصوبوں کا تفصیلی جائزہ لیا گیا۔
خواجہ عمران نذیر نے کہا کہ پرائمری سطح تک تمام ہیلتھ فیسلیٹیز میں مطلوبہ ڈاکٹرز کی جلد تعیناتی کردی جائے گی، انھوں نے کہا کہ گزشتہ حکومت کے اچھے کاموں کو آگے بڑھائیں گے اور سست روی کے شکار منصوبوں کی جلد تکمیل کریں گے، خواجہ عمران نذیر نے کہا کہ بچوں کی ویکسینیشن مہم میں متعلقہ افسران، سٹاف کی غفلت کے باعث خسرہ کیسز میں اضافہ ہوا ہے، غفلت کے مرتکب افسران، ویکسینیٹرز کے خلاف سخت ایکشن لیا جارہا ہے، انہوں نے کہا کہ صوبہ بھر کے تمام بنیادی و دیہی مراکز صحت کی ریویمپنگ مارچ 2025 تک مکمل کرلی جائے گی۔
