ملتان،11جون (اے پی پی):تعلیمی بورڈ ملتان کے زیر اہتمام جاری ملتان بورڈ ایمپلائز سپورٹس کے سلسلے میں کھیلے گئے کرکٹ میچ میں کنٹرولر سائیڈ نے سیکرٹری سائیڈ کو سنسنی خیز میچ میں 7وکٹوں سے شکست دے دی۔ چھ اوورز کے میچ میں فیصلہ آخری اوور میں ہوسکاـ جس میں کنٹرولر سائیڈ نے سیکرٹری سائیڈ کو 7وکٹوں سے ہرا دیا میچ کی خاص بات سیکرٹری ملتان بورڈ خرم شہزاد قریشی نے بھی میچ میں حصہ لیا اور ایک چھکے سمیت 10 رنز بنا کر ناٹ آؤٹ رہے۔ عیش علی 11رنز بنا کر ٹاپ سکورر رہے ۔ میچ کی پہلی گیند پر چھکا لگانے والے حافظ عبدالقدوس میچ کی دوسری ہی گیند پر وکٹوں کے پیچھے کیچ آؤٹ ہوگئے۔ کنٹرولر سائیڈ کی کامیابی میں جواد کی 13 اور اویس کی 12 رنز کی اننگز کام آگئی۔ دونوں بیٹر نے ایک ایک چھکا لگایا۔ امپائرنگ کے فرائض محمد طارق اور قیصر رضا نے انجام دیئے آفیشل سکورر نعیم اللّٰہ خان تھے ۔ کمنٹیٹر مجاہد بلوچ کے دلچسپ تبصروں اور چٹکلوں سے کرکٹرز اور حاضرین محظوظ ہوتے رہے ۔دریں اثناء چیئرمین آل پنجاب ایمپلائز نثار ملک کے مطابق آج 11 جون کو ملتان بورڈ ایمپلائز کا آخری ایونٹ ایتھلیٹکس ہوگا۔
