لاہور،25جون ( اے پی پی ): وزیراعلیٰ پنجاب مریم نوازشریف کا اچانک چلڈرن لائبریری کمپلیکس میں چھاپہ خالی کمرے،لائبریری او رآڈیٹوریم،لائٹس،پنکھے او راے سی چل رہے تھے۔
وزیراعلیٰ مریم نوازشریف سرکاری وسائل کا بے جا ضیاع دیکھ کر برہم چلڈرن لائبریری کمپلیکس کے بارے میں رپورٹ طلب کرلی ۔
وزیر اعلیٰ نے چلڈرن لائبریری کمپلیکس کو باقاعدہ فنکشنل کرنے کے لئے فوری پلان تیار کرنے کا حکم دیااورچلڈرن لائبریری کمپلیکس کی مرکزی عمارت کے مختلف شعبوں کا جائزہ لیا ۔وزیراعلیٰ مریم نوازشریف نے لائبریری، بصری و سمعی سیکشن، آڈیٹوریم اور دفاتر کا جائزہ لیا اور سپیشل بچوں کے لئے مخصوص سیکشن کا بھی دورہ کیا۔
مریم نوازشریف نے مختلف سیکشن کے فنکشن اور کارکردگی کے بارے میں معلومات لیں تقریباً خالی جمنیزیم،سوئمنگ پول کا بھی جائزہ لیا ۔وزیراعلیٰ مریم نوازشریف نے سینٹر آف جیالوجی، اے آئی، آرٹیفشل سیکشن اوردیگر شعبوں میں موجود سہولتوں کاجائزہ لیا ۔
چلڈرن لائبریری کمپلیکس کاافتتاح 1988میں محمد نوازشریف نے بطورو زیراعلیٰ کیا تھا۔سینئر صوبائی وزیر مریم اورنگزیب، صوبائی وزیر اطلاعات عظمیٰ زاہد بخاری، صوبائی وزیر تعلیم رانا سکندر حیات،ایم پی اے نوشین عدنان، سیکرٹری ایجوکیشن ڈاکٹر احتشام انور او ردیگر حکام بھی موجود تھے۔
