لاہور24 -جون ( اے پی پی ) وزیر اعلیٰ پنجاب مریم نواز شریف کاہر ڈویژن میں” مریم کی دستک” کی65 سروسز شروع کرنے کا حکم ۔پنجاب کے تمام اضلاع میں “مریم کی دستک” سروسز دسمبر تک مہیا کر نے کی ہدایت ،لاہور میں” مریم کی دستک” کی سروسز 40 تک بڑھانے کا فیصلہ کیا گیا ۔
اگست میں لاہور میں”مریم کی دستک ” سروسز 65 تک پہنچ جائیگی ۔14اگست سے ہر ڈویژن میں مریم کی دستک سروسز شروع ہو جائے گی ۔پولیس، ریونیو، بلدیات،ایکسائز ، ٹی ایم اے،ڈویلپمنٹ اتھارٹیز سمیت دیگر محکموں کی سروسز دستک کے ذریعے میسر ہونگی۔
وزیر اعلیٰ مریم نواز شریف کی زیر صدارت اجلاس میں دستک پراجیکٹ میں توسیع کی منظوری دی گئی۔چیرمین پی آئی ٹی بی نے مریم کی دستک پراجیکٹ توسیع پر بریفننگ دی اور بتایا کہ ڈومیسائل، ای سٹیمپنگ، برتھ، ڈیتھ، میرج سرٹیفکیٹس سروسز دستک ایپ کے ذریعے حاصل کی جاسکتی ہیں۔ پراپرٹی ٹیکس، ٹوکن ٹیکس،موٹر وہیکل ٹرانسفراور نئی گاڑی کی رجسٹریشن کی سہولت بھی دستک ایپ سے حاصل کی جاسکتی ہے۔
بریفنگ کے دوران بتایا گیا کہ شہری مریم کی دستک نمائندوں کی اپوئنمنٹ ویب پورٹل، موبائل ایپ یا کال سنٹر 1202 کے ذریعے سروسز اپلائی ہوسکتے ہیں ۔
اجلاس میں دستک موبائل ایپلی کیشن کے ذریعے شہریوں کو ملنے والی سروسز کا جائزہ لیا گیا ۔وزیر اعلیٰ مریم نوازشریف نےدستک ایپ پر سروسز کی مزیدبہتری کی ہدایت کی ۔ سینئر صوبائی وزیرِ مریم اورنگ زیب،،پرنسپل سیکرٹری ساجد ظفر ڈال اور دیگر نے شرکت کی ۔
