پنجاب حکومت صحت کی شعبے میں بہتری کے لیے اقدامات کررہی ہے، صوبائی وزرا خواجہ عمران نذیر اور خواجہ سلمان رفیق کی پنجاب میں خسرہ پھیلاؤ سے متعلق پریس کانفرنس

لاہور، 1 جون (اے پی پی): صوبائی وزرا خواجہ عمران نذیر اور خواجہ سلمان رفیق نے پنجاب میں خسرہ پھیلاؤ سے متعلق پریس کانفرنس کرتے ہوئے  کہا کہ پنجاب حکومت صحت کی شعبے میں بہتری کے لیے اقدامات کررہی ہے اور صحت وتعلیم کے شعبے پر وزیراعلیٰ مریم نواز خصوصی توجہ دے رہی ہے۔صوبائی وزیر صحت خواجہ عمران نذیر نے کہا کہ 2011 میں پنجاب میں 43 فیصد بچوں کی ویکسینیشن کی گئی، 2017 تک 87 فیصد اہداف حاصل کرلئے، 43 فیصد سے 84 فیصد تک بچوں میں 12 بیماریوں کی  ویکسینیشن شہباز سپیڈ کی وجہ سے ممکن ہوئی، خواجہ عمران نذیر نے کہا کہ 216، 2017، اور 2018 میں پولیو کا ایک کیس بھی رپورٹ نہیں ہوا، 2019 میں ریورس سپیڈ ا گئی جن کی نااہلی سے پولیو کے 12 کیسز، 2020 میں پولیو کے 14 کیس سامنے ائے، 2022 تک پنجاب میں صرف 68 فیصد بچوں کو حفاظتی ٹیکہ جات کی ویکسین لگائی گی۔ انھوں نے کہا کہ 2023 میں نگران حکومت اور 2024 میں مریم نواز شریف کی متحرک حکومت کے باعث حفاظتی ٹیکہ جات مہم کا ہدف 90 فیصد سے بھی زیادہ ہوگیا، صوبائی وزیر نے کہا کہ نیک لوگوں، ریاست مدینہ کے دعویداروں نے ملک، قومی معیشت، ہیلتھ سیکٹر کا بیڑا غرق کردیا۔انھوں نے کہا کہ شہباز شریف کی حکومت نے 16 ماہ میں قومی معیشت کو کھڑا کیا وزیر اعلی پنجاب کی ہدایت دونوں وزرا صحت نے کبیروالہ، خانیوال، میانچنوں، ساہیوال ہسپتالوں میں جاکر خسرہ کی صورتحال مانیٹر کی، خواجہ عمران نذیر نے کہا کہ کبیروالہ میں ہمارے سسٹم کی ناکامی کے باعث بچوں کو ڈیٹیکٹ نہیں کیا گیا، انکی اموات پر بے حد افسوس ہے، پتوکی میں این ائ ایچ کی رپورٹ کے مطابق بچوں کی اموات خسرہ سے نہیں ہوئی، خواجہ عمران نذیر نے کہا کہ وزیر اعلی پنجاب ہر گھنٹے بعد خسرہ، دیگر وبائی امراض سے متاثرہ بچوں کے حوالہ سے رپورٹ لے رہی ہیں، انھوں نے کہا کہ ایک ہفتہ کے دوران پنجاب میں 286  خسرہ کے کیسز رپورٹ ہوئے، خواجہ عمران نذیر نے کہا کہ رواں سال میں خسرہ سے 18 اموات، 3143 کیسز رپورٹ ہوئے، ساڑھے 12 کروڑ عوام کی صحت سے کھیلنے، نظام میں خلل ڈالنے والوں کو برداشت نہیں کیا جائے گا، صوبائی وزیر صحت خواجہ سلمان رفیق نے کہا کہ میاں شہباز شریف کی قیادت میں نظام صحت میں واضح بہتری لے کر آئے تھے۔ انھوں نے کہا کہ وزیر اعلیٰ پنجاب مریم نواز شریف عوام تک صحت کی بہتر سہولیات کی فراہمی کیلئے کوشاں ہیں۔ خواجہ سلمان رفیق نے کہا کہ صوبہ بھر میں خسرہ کی وباء پر قابو پانے کی کوشش کر رہے ہیں۔ سرکاری ٹیچنگ ہسپتالوں میں مریضوں کے علاج و معالجہ کی ہدایات جاری کر چکے ہیں۔ نظام صحت کی بہتری کیلئے ہم سب کو کردار ادا کرنا ہے۔ خواجہ سلمان رفیق نے کہا کہ نظام صحت میں خرابیوں کو دور کرنے کی پوری کوشش کر رہے ہیں۔ مریضوں کے علاج و معالجہ میں ایک فیصد بھی کوتاہی برداشت نہیں کریں گے۔