لاہور، 25 جون: ( اے پی پی ) گورنر پنجاب سردار سلیم حیدر خان نے قائم مقام چیف جسٹس لاہور ہائیکورٹ شجاعت علی خان سے عہدے کا حلف لیا۔
گورنر ہاؤس لاہور کے دربار ہال میں تقریب حلف برداری میں وزیر اعلیٰ پنجاب مریم نواز شریف بھی موجود تھیں۔
تقریب میں سپیکر پنجاب اسمبلی ملک احمد خان ،انسپکٹر جنرل پولیس پنجاب ڈاکٹر عثمان انور، ڈپٹی کمشنر لاہور رافعہ حیدر, لاہور ہائی کورٹ کے ججز، صوبائی وزرا، وفاقی و صوبائی لا افسران، انتظامی افسران اور دیگر شخصیات نے شرکت کی۔
