اسلام آباد، 12 جولائی (اے پی پی):اسلام آباد،کشمیر،گلگت بلتستان اور شمال مشرقی بلوچستان میں آندھی/جھکڑچلنے اور گرج چمک کے ساتھ بارش کا امکان ہے۔اس دوران بالائی پنجاب،زیریں خیبر پختونخوا اور شمال مشرقی بلوچستان میں چند مقامات پرموسلادھار بارش بھی متوقع ہے۔
گزشتہ 24 گھنٹے کا موسم اسلام آباد،خطۂ پوٹھوہار،شمال مشرقی پنجاب،بالائی خیبرپختونخوا، کشمیر، گلگت بلتستان اور لاڑکانہ میں آندھی اور گرج چمک کے ساتھ بارش جبکہ چند مقامات پر موسلادھار بارش بھی ہوئی۔ ملک کے دیگر علاقوں میں موسم گرم اور مرطوب رہا۔
سب سے زیادہ بارش (ملی میٹر): پنجاب: لاہور (تاج پورہ 120، لکشمی چوک 81، قرطبہ چوک 70، گلشن راوی 68، ائرپورٹ 59، شاہی قلعہ 58، مغل پورہ 53، اپر مال 50، سمن آباد 49، چوک ناخدا48، اقبال ٹاؤن 44، ہیڈ آفس واسا 41، نشتر ٹاؤن 40، سٹی 39، فرخ آباد 35، جوہر ٹاؤن 22)، راولپنڈی (چکلالہ ائرپورٹ 30، کچہری 11، شمس آباد 09)، اسلام آباد (سید پور 17، گولڑہ 16، بوکرا، زیروپوائنٹ 08)، مری 02، خیبرپختونخوا: زیریں دیر 36، مالم جبہ 03، بالاکوٹ 01، گلگت بلتستان: استور 01 اور سندھ: لاڑکانہ میں 01ملی میٹر بارش ریکارڈ کی گئی۔
گزشتہ روز زیادہ درجہ حرارت: دادو، سبی47،جیکب آباد 46، اوردالبندین میں 45 ڈگری سینٹی گریڈ ریکارڈ کیا گیا۔
