اسلام آباد،30جولائی(اے پی پی ) :تعلیمی اداروں میں کرکٹ کے فروغ کے لیے پاکستان کرکٹ بورڈ(پی سی بی) کا انٹر بورڈ کوآرڈی نیشن کمیشن(آئی بی سی سی)، کیپیٹل ڈویلپمنٹ اتھارٹی(سی ڈی اے) اور ہائیر ایجوکیشن کمیشن(ایچ ای سی) کے درمیان معاہدہ طے پا گیا ۔ وفاقی دارالحکومت اسلام آباد میں چیئرمین پی سی بی محسن نقوی، آئی بی سی سی، سی ڈی اے اور ایچ ای سی کے درمیان مفاہمتی یادداشت پر دستخط کیے گئے۔
معاہدے کے تحت ستمبر میں یونیورسٹی کرکٹ ہوگی۔اکتوبر میں اسکول کرکٹ اور نومبر میں کالج کرکٹ ٹورنامنٹس کا انعقاد کیا جائے گا۔اس معاہدے کا مقصد نئے ٹیلنٹ کو سامنے لانا ہے۔
