ساہیوال،09 جولائی(اے پی پی): کمشنر ساہیوال ڈویژن/چیئر پرسن ساہیوال بورڈ شعیب اقبال سید نے طلبا وطالبات پر زور دیتے ہوئے کہا کہ وہ اپنی پوری توجہ تعلیم کے حصول پر مرکوز رکھیں اور اپنی شخصیت کی ذہنی و جسمانی نشورونما کے لئے نصابی تعلیم کے ساتھ ساتھ ہم نصابی سرگرمیوں اور کھیلوں میں بھی حصہ لیں۔
ڈی پی ایس آڈیٹوریم میں ساہیوال بورڈ کے میٹرک 2024امتحانات کے پوزیشن ہولڈر طلبا و طالبات میں نقد انعامات اور سرٹیفکیٹس تقسیم کرنے کی تقریب سے خطاب کر تے ہوئے کیا۔ انہوں نے اول آنے والوں کو 20ہزار ،دوئم کو 15اور تیسری پوزیشن حاصل کرنے والوں کو 10ہزار روپے نقد انعام دیئے گئے اور پوزیشن حاصل کرنے والے طلباء اور ان کے والدین کو مبارکباد دی۔ انہوں نے کہا کہ زندگی میں ملنے والی کامیابیوں سے مطمئن نہیں ہونا بلکہ مزید محنت کرنی ہے تاکہ والدین اور اساتذہ کے خوابوں کی تعبیر حاصل کرنے کے ساتھ ملک و قوم کی ان سے وابستہ توقعات بھی پوری ہو سکیں۔
کمشنر شعیب اقبال سید نے امتحانی نتائج کی بروقت تیاری پر کنٹرولر امتحانات ڈاکٹر رانا نوید عظمت اور ان کی پوری ٹیم کو مبارکباد دی ۔انہوں نے کہا کہ کسی شکایت کے بغیر میٹرک امتحانات کا انعقاد اور نتائج کی تیاری ایک مشکل کام ہے ۔
تقریب میں ایڈیشنل کمشنر کو آرڈی نیشن شفیق احمد ڈوگر، کنٹرولر امتحانات ڈاکٹر رانا نوید عظمت، ڈائریکٹر پبلک ریلیشنز محمد عقیل اشفاق، پرنسپل ڈی پی ایس بریگیڈیئر (ر) سید انوارالحسن کرمانی اور محکمہ تعلیم کے افسران ،اساتذہ اور طلبا و طالبات کی کثیر تعداد نے شرکت کی۔
