قصور، 30جولائی(اے پی پی)وزیر اعلیٰ پنجاب کے احکامات کی روشنی میں ضلع بھر میں سموگ کیخلاف کارروائیاں جاری ہیں اسسٹنٹ ڈائریکٹر محکمہ ماحولیات انجینئر محمد عمران نے چربی پگھلانے والے کارخانوں کیخلاف ایکشن لیتے ہوئے 10کارخانوں کو سیل کر کے مالکان کیخلاف مقدمات کیلئے استغاثے جمع کروا دیئے گئے، کارروائی نیاز نگر و دیگر علاقوں میں کی گئی ۔
اسسٹنٹ ڈائریکٹر انجینئرمحمدعمران نے بتایا کہ چند روز قبل چربی پگھلانے والے کارخانوں کیخلاف ایکشن لیا گیا تھا، ان میں سے 10کارخانہ مالکان دوبارہ سے وہی پلاسٹک ویسٹ وغیرہ جلاتے ہوئے پائے گئے،محکمہ ماحولیات کی ٹیم نے کارروائی کرتے ہوئے 10چربی پگھلانے والے کارخانوں کو سیل کر دیااور مالکان کیخلاف تھانہ بی ڈویژن قصور میں ایف آئی آرز کے اندراج کیلئے استغاثے جمع کروا دیئے گئے۔انہوں نے کہا کہ یہ کارروائیاں ماحول کو آلودہ کرنے والے ایندھن کی روک تھام تک جاری رہینگی۔
