اسلام آباد،25 جولائی (اے پی پی ):ملک کے بیشترعلاقوں میں موسم گرم اور شدید حبس رہنے کا امکان ہے۔ تاہم شام/رات میں بالائی خیبرپختونخوا ، بالائی پنجاب ،شمال مشرقی بلوچستان اور کشمیر میں چند مقاما ت پرتیز ہواؤں اور گرج چمک کے ساتھ بارش کا امکان ہے۔
گذشتہ 24 گھنٹے کا موسم ملک کے بیشتر علاقوں میں موسم گرم اور مرطوب رہا۔تاہم شمال مشرقی بلوچستان، مشرقی /وسطی پنجاب، بالائی خیبرپختونخوا ، گلگت بلتستان، زیریں سندھ اورکشمیرمیں چند مقامات پر تیز ہواوٴں اور گرج چمک کے ساتھ بارش ہوئی۔ سب سے زیادہ بارش (ملی میٹر): بلوچستان: سبی 47، پنجاب:ساہیوال 17، نور پور تھل 05، قصور 03،خیبر پختونخوا: پٹن 03، گلگت بلتستان: گلگت میں 02 ملی میٹر بارش ریکارڈ کی گئی۔
گزشتہ روز ریکارڈکیے گئے زیادہ سے زیادہ درجہ حرارت: سبی،دالبندین 47، نوکنڈی46اور جیکب آباد میں 45ڈگری سینٹی گریڈ ریکارڈ کیا گیا۔
