لاہور، 31 مارچ (اے پی پی): وزیر اطلاعات پنجاب عظمیٰ بخاری نے عیدالفطر پر اپنے جاری کردہ ویڈیو بیان میں اہل وطن کی عید مبارک پیش کی اور کہا کہ میٹھی عید کی میٹھی خوشیاں پوری قوم کو مبارک ہوں۔ عظمیٰ بخاری نے دعا کی کہ اللہ تعالیٰ پاکستان میں امن اور سکون قائم رکھے۔
انھوں نے کہا کہ خوشیاں ہمیشہ بانٹنے سے ہی بڑھتی ہیں۔ عید کی خوشیوں میں اپنے اردگرد کے لوگوں کو بھی شامل کریں۔
عظمیٰ بخاری نے کہا کہ پنجاب حکومت عید کے موقع پر ہر طرح سے حفاظتی انتظامات کو یقینی بنارہی ہے۔ مریم نواز کی ہدایت پر صوبے بھر میں سیکیورٹی کے فول پروف انتظامات کیے گئے ہیں۔ عوام کے جان و مال کے تحفظ کے لیے تمام سیکیورٹی ادارے مصروف عمل ہیں۔ عظمیٰ بخاری نے کہا کہ پاکستان سمیت دنیا بھر کے مسلمانوں کو عید کی خوشیاں مبارک ہوں۔
