ملتان 21 اپر یل(اے پی پی):
ڈپٹی کمشنر محمد علی بخاری نے کہا ہے کہ ضلع ملتان میں 3 روزہ قومی پولیو مہم کا آغاز کردیا گیا ہے ا سلسلے میں پولیو مہم کے پہلے روز 3 لاکھ 20 ہزار بچوں کو قطرے پلائے گئے۔ان خیالات کا اظہار انہوں نے گزشتہ روز شہر کے مختلف علاقوں کا اچانک دورہ کرتے ہوئے کیا اس موقع پر ڈپٹی کمشنر نے فیلڈ پولیو ٹیموں کی انسپکشن کی اور بریفننگ لی۔محمد علی بخاری نے گھروں میں جاکر بچوں کو پلائی گئی ویکسینیشن کی انسپکشن کی۔
ڈپٹی کمشنر محمد علی بخاری نے کہا کہ 3 روزہ پولیو مہم کے دوران 10 لاکھ سے زائد بچوں کو قطرے پلائے جائیں گے پولیو مہم کے سلسلے میں عوامی مقامات اور جنرل بس سٹینڈ پر خصوصی کیمپ قائم کئے گئے ہیں۔ محمد علی بخاری نے کہا کہ پولیو قطرے پلانے سے انکار کرنے والے افراد کے خلاف سخت کارروائی ہوگی۔پولیو قطروں سے محروم رہ جانے والے بچوں کیلئے 2 روزہ فالو اپ مہم چلائی جائے گی۔
