راولپنڈی، 30 اپریل ( اےپی پی):ڈائریکٹر جنرل پارکس اینڈ ہارٹیکلچر اتھارٹی راولپنڈی احمد حسن رانجھا کی خصوصی ہدایات پر راولپنڈی مری روڈ کے تمام سیکشنز کی گرین بیلٹس موسم کی مناسبت سے رنگ برنگے پھولوں سے آراستہ کی گئی ہیں۔
مری روڈ کے مختلف سیکٹرز پر صدر سے لے کر فیض آباد تک پی ایچ اے کی جانب سے موسم کی مناسبت سے رنگ برنگے پھولوں سے مزین اور آراستہ کیا جا رہا ہے۔
موسمی پھولوں کو انتہائی خوب صورت انداز میں کاشت کیا گیا یے جس سے مری روڈ کی خوبصورتی کئی گنا بڑھ گئی ہے اور راہگیروں کو ایک خوبصورت احساس ہوتا ہے۔
ڈی جی پی ایچ اے احمد حسن رانجھا نے کہا کہ پی ایچ اے موسم کی مناسبت سے مری روڈ کے تمام سیکٹرز سمیت شہر کے پارکوں اور چوراہوں کی رنگ برنگے پھولوں سے سجاوٹ کر کے خوبصورت بنا رہا ہے،ہم مری روڈ کی گرین بیلٹس پر موسمی پھولوں کو شامل کر رہے ہیں،جس سرسبز ماحول برقرار رہے گا اور خوبصورتی میں اضافہ ہو گا۔
انہوں نے کہا کہ شہر کی مختلف شاہراہوں اور پارکس کو خصوصی طور پر خوبصورت پھولدار پودوں سے آراستہ کیا جا رہا ہے۔
شہر کی شاہراہوں، گرین بیلٹس اور پارکس کی خوبصورتی یقینی بنانے کے لیے پی ایچ اے کی اقدامات کی عوامی سطح پر بھر پور تعریف و توثیق اور راولپنڈی شہر کو خوبصورت بنانے کے حوالے سے ڈی جی پی ایچ اے کے اقدامات کو سراہا جا رہا ہے۔
