اسلام آباد،08 اپریل (اے پی پی):وفاقی وزیر برائے ریلوے حنیف عباسی کی زیرِ صدارت اجلاس میں ریلوے کے مکینیکل و الیکٹریکل انجینیرنگ شعبہ کے امورپر تفصیلی بریفنگ دی گئی۔اجلاس میں وزیر ریلوے نے فنی خرابی کے حامل انجنوں کی مرمت کا ورکنگ پلان مانگ لیا ۔
اجلاس میں بات کرتے ہوئے حنیف عباسی نے کہا کہ نا قابلِ استعمال انجنوں کی آکشن کرنے کیلیے قانونی رائے لی جائے گی۔ڈیڑھ ماہ میں کم از کم 3 انجن ٹھیک کر کے سسٹم میں شامل کیے جائیں اور پرفارمنس گارنٹی کے بغیر کسی فرم کو ٹرین نہ دی جائے۔
انہوں نے کہا کہ ریلوے میں انوسٹمنٹ لانے کیلیے ہر دروازہ کھٹکھٹاؤں گا،دو سال تک 15 انجنوں کو جدید ترین بنایا جائے گا۔انہوں نے کہا کہ ریلوے سٹریٹجک اثاثہ ہے، اس کی نجکاری کا سوال ہی پیدا نہیں ہوتا۔
اجلاس میں ریلوے سپورٹس کو جدید خطوط پر استوار کرنے اور فروغ دینے کا فیصلہ فٹ بال، ہاکی، کرکٹ سمیت دیگر کھیلوں پر بھرپور توجہ دی جائے گی۔
