ملتان ، 24 اپریل (اے پی پی):کمشنر ملتان ڈویژن عامر کریم خاں نے نشتر 1 ایمرجنسی گیٹ کے قریب زیر تعمیر بس شیڈ کا دورہ کیا اور بس شیڈ کی تعمیر ایک ماہ میں مکمل کرنے کی ڈیڈ لائن دی۔ انہوں نے کہا کہ بس شیڈز کے ڈیزائن میں ملتان کی ثقافت و موسمی حالات کا خیال رکھا گیا۔11 بس شیڈز، ملتان ترقیاتی ادارہ تعمیر کرریا ہے جبکہ ,11نجی شعبے کے تعاون تعمیر کئے جائیں گے۔نجی سیکٹر کے ساتھ ایم او یو میں تشہیر اور مدت کی واضح شرط شامل کی جائے گی۔ اربن انفراسٹرکچر کی بہتری میں بس شیڈز کلیدی حیثیت رکھتے ہیں۔بڑھتی شہری آبادی کو بہتر ٹرانسپورٹ سہولیات کی فراہمی وقت کی اہم ضرورت ہے۔
بعدازاں کمشنر عامر کریم خاں نے ملتان شہر کے پہلے پروٹیکٹڈ یوٹرن کا دورہ کیا اور زیر تعمیر یو ٹرن جلد مکمل کرکے لائٹس، سائن بورڈز لگانے کا حکم بھی دیا۔انہوں نے ٹریفک پولیس کو ون وے کی خلاف ورزی کرنے والوں کیخلاف سخت قانونی کارروائی کرنے کی ہدایت کرتے ہوئے کہا کہ گول باغ اردو بازار سے چونگی نمبر 9 کی طرف جانے والی ٹریفک ون وے کی خلاف ورزی نہ کریں۔ ایمرسن یونیورسٹی سے منسلک گلیوں سے چونگی نمبر 6 کی طرف آنے والی ٹریفک بھی ون وے قوانین کی پابند رہے۔ خلاف ورزی کی صورت میں سخت قانونی کارروائی عمل میں لائی جائے گی۔ ایم ڈی اے حکام کی جانب سے تفصیلی بریفننگ دی گئی۔
